Праводзячы прафілактычную работу, ратавальнікі заўсёды звяртаюць увагу грамадзян на важнасць устаноўкі ў домаўладаннях карыснага гаджэта – аўтаномнага пажарнага апавяшчальніка, які гарантуе спакой і, што самае галоўнае, штогод ратуе жыцці, рэагуючы на дым магутным гукавым сігналам.
У рамках шырокамаштабнай інфармацыйнай кампаніі аб неабходнасці ўстаноўкі АПА сярод насельніцтва і пры падтрымцы Мінскага аддзялення Беларускага добраахвотнага пажарнага таварыства работнікі Партызанскага раённага аддзела па надзвычайных сітуацыях сумесна з актывістамі Беларускай маладзёжнай грамадскай арганізацыі ратавальнікаў-пажарных устанавілі аўтаномныя пажарныя апавяшчальнікі пажылым грамадзянам, якія адзінока пражываюць.
Супрацоўнікі МНС прадэманстравалі прынцып дзеяння карыснага гаджэта і падкрэслілі важнасць яго рэгулярнага абслугоўвання. Таксама ратавальнікі МНС нагадалі асноўныя правілы бяспекі, якія неабходна выконваць у паўсядзённым жыцці і ўручылі наглядна-выяўленчую прадукцыю на памяць.
